“Axborot texnologiyalari va kommunikatsiyalari rivoji barcha sohalarning jadal taraqqiyotiga xizmat qiladi, odamlarga qulaylik yaratadi”

Mediakompetentlik umumiy ko‘rinishda shaxsning turli ko‘rinishi, janr va shakllardagi mediamatnni tanlash, foydalanish, tanqidiy tahlil qilish, baholash, yaratish va uzatish, sotsiumda medianing faoliyati murakkab jarayonlarini tahlil qilishga tayyorlikda namoyon bo‘ladigan integrativ sifati tarzida qaraladi.

Shuning uchun, malaka oshirish jarayonida umumta’lim maktablari o‘qituvchilarining mediakompetentligini rivojlantirish masalasi ilm oldida turgan dolzarb masalalardan biri hisoblanadi. Bunda zamonaviy ilmiy-texnikaviy taraqqiyot talablariga mos holda umumta’lim maktablari o‘qituvchilarining media borasidagi bilimlarini takomillashtirish orqali mediakompetentlikni rivojlantirish texnologiyasini yaratish pedagogik yo‘nalishdagi tadqiqotlar ichida muhim ahamiyatga ega.

Malaka oshirish jarayonida umumta’lim maktablari o‘qituvchilarining mediakompetentligini «AKT va mediasavodxonlik» fanini mazmuni, o‘qitish usul va vositalari tarmoq, mobil va multimedia texnologiyalarining mediata’limiy imkoniyatlarini kengaytirish orqali rivojlantirishga erishiladi.

Ushbu sizga havola qilinayotgan malaka oshirish ta’limi jarayonida o‘qituvchilarning mediakompetentligini rivojlantirishga qaratilgan elektron qo‘llanma mediakompetentlikni rivojlantirishga xizmat qiladi degan umiddamiz.